Postvegen i Vestland

Postvegen går gjennom kommunane Bergen, Alver, Gulen, Hyllestad, Fjaler, Sunnfjord, Gloppen og Stryn i Vestland.

Postvegen startar ved Mariakirken i Bergen og går først gjennom eit urbant bymiljø før han held fram nordover gjennom fjordlandskap, jordbruksbygder og fjellområde. 

I 2026 er det gjennomført to samskapingsprosessar i Vestland. I Bergen arbeider lokale og regionale aktørar med å gjere postvegen meir synleg gjennom skilting, formidling og nye aktivitetar. I Gloppen og Sunnfjord står verdiskaping, reiseliv og opplevingar sentralt, med særleg vekt på landskapet rundt Breimsvatnet og dei mange historiene knytte til postvegen.